俗語講：『良藥苦口』。藥仔食起來苦苦。濟濟人可能會想欲配寡甘甜的果子抑是啉寡甜甜的果汁來減輕藥仔的苦味。毋過, 這看起來真自然的代誌煞有可能會造成料想袂到的後果。濟濟的科學研究已經證明真濟果子的化學成份會和藥仔交互作用 （drug-drug interaction），影響著藥仔的效果。這主要是透過影響肝臟的解毒功能，造成吸收入來的藥仔濃度傷懸。其中，甘甜的葡萄柚仔汁尤其愛避免。

Sio̍k-gí kóng “liông-io̍h khóo-kháu”. Io̍h-á tsia̍h––khí-lâi khóo-khóo.  Tsē-tsē lâng khó-lîng ē siūnn beh phuè kuá kam-tinn ê kué-tsí ia̍h-sī lim kuá tinn-tinn ê kué-tsiap lâi kiám-khin io̍h-á ê khóo-bī. M̄-koh, tse khuànn––khí-lâi tsin tsū-jiân ê tāi-tsì suah ū khó-lîng ē tsō-sîng liāu-sióng-bē-kàu ê hiō-kó. Tsē-tsē ê kho-ha̍k-gián-kiù í-king tsìng-bîng tsin tsē kué-tsí ê huà-ha̍k-sîng-hūn ē hām io̍h-á kau-hōo-tsok-iōng (drug-drug interaction), íng-hióng tio̍h io̍h-á ê hāu-kó. Tse tsú-iàu sī thàu-kuè íng-hióng kuann-tsōng ê kái-to̍k kong-lîng, hōo khip-siu ji̍p-lâi ê io̍h-á long-tōo siunn kuân. Kî-tiong, kam-tinn ê phû-tô-iū-á tsiap iû-kî ài pī-bián.

閱讀全文 食藥仔千萬毋通配葡萄柚仔汁 Tsia̍h io̍h-á tshian-bān m̄-thang phuè phû-tô-iū-á tsiap →